زورو عيادات الوحده البيطريه (الموضوع الخاص بسئله الاعضاء عن اي مرض او مشكله )

القط بتاعى عمل اسهال لونه فاتح كده مرتين
و جاله قئ لونه ابيض وطخين حبه
وكان بينونو نونوه كتيره على غير عادته
و لقيته بقه منطوى كده ومبيتحركش
مش عارفه هو ماله
ملحوظة انا امبارح اكلته سمك مقلى و دراى فووووود
ياريت بسرعه حد يرد عليا عشان لو كده اوديه للدكتووور

دكتور كنت عايز اعرف لو لقيت قطة ماو في الشارع و خدتها البيت

سنها كبير

ايه اسلم و أأمن حاجة اعملها معاها

اطعمها ايه اهم حاجة

و اديلها علاج ايه كأمان ليا منها ؟

و هل اديها علاج للتكسوبلازما وقائيا و لا لا ؟

و ابتدي بأنهي تطعيم بظبط

و هل في ضرورة للسعار ؟

طب يا دكتور انا القطة اللي لقتها حامل

انا كنت عايز الأول احميها بشامبو

ينفع احط معاه فنيك او كلور متخفف بميا و اشطف جسمها بيه عشان البراغيت ؟؟

و بالنسبة ليها هيا بتعطس بس مش كتير هيا مرة و لا حاجة

هل ده مؤشر لحاجة

انا اسمع ان التطعيم و هيا حامل غلط و كده كده انا مش هقدر اطعمها دلوقتي بعد مدة كده

لكن سؤالي دلوقتي عن النظافة و عن التكسوبلامازما

اديها ايه عشان لو كان عندها تكسوبلازما يروح منها ؟؟؟

و ينفع استعمل الفنيك و الكلور ولا لا


و متشكر اوي اوي يا دكتور على مجهودك معايا

هوا هيكمل سنة الشهر اللي جاي بس انا مش عارفة لما اجيبله الدوا اديهيوله ازاي هيبقى صعب اوي عليا ده مجنني يا دكتووور

محمود85 كتب:طب يا دكتور انا القطة اللي لقتها حامل

انا كنت عايز الأول احميها بشامبو

ينفع احط معاه فنيك او كلور متخفف بميا و اشطف جسمها بيه عشان البراغيت ؟؟

و بالنسبة ليها هيا بتعطس بس مش كتير هيا مرة و لا حاجة

هل ده مؤشر لحاجة

انا اسمع ان التطعيم و هيا حامل غلط و كده كده انا مش هقدر اطعمها دلوقتي بعد مدة كده

لكن سؤالي دلوقتي عن النظافة و عن التكسوبلامازما

اديها ايه عشان لو كان عندها تكسوبلازما يروح منها ؟؟؟

و ينفع استعمل الفنيك و الكلور ولا لا


و متشكر اوي اوي يا دكتور على مجهودك معايا

لو احنا ينفع نستحمي بالفنيك او الكلور ماشي

انا قلتلك على الشامبوو اللي هتحميها بيه للحشرات وده بشري

مفيش تطعيم طول الحمل والرضاعه
بعد الرضاعه تعمل كل حاجه

دلوقتي اهم حاجه الرمل بتاعها يتغير فياليوم مرتين وتحميها الظهر وتنشفها كويس جدا

عندك حق يا دكتور

انا للأسف معرفتش احميها خالص

يا دوبك لما بتيجي نقطة ميا عليها بتجري و بتخاف

و بتروح تستخبى في اي حتة

انا حاولت معاها كتير بس معرفتش خالص

و في الأخر مسكت حتة قماش مبلولة و حاولت برده مفيش فايدة

مش عارف اعمل ايه معاها غلبتني

القطط اللى عندى شعرها بيقع مش عارفة من اية
يعنى كل ما بيعدوا فى مكان بيتملى شعر كتير
ومكان نومهم مليان بطريقة فظيعة مش بعرف حتى انضفة لانة بيطير فيا
ولما بشدة من جسمهم بيطلع شعر كتير فى ايدى بسهولة
هما كدة من حوالى شهر وقبل كدة كانوا كويسين
هما جسمهم سليم ومفيش فية مناطق خالية من الشعر
وبردة مش بيهرشوا فى جسمهم او يلحسوة زيادة عن اللزوم
ومعتقدش ان فيهم براغيت انا مش عارفة البراغيت دى ممكن اشوفها ولا لا؟
يا ريت اعرف شعرهم بيقع لية واية اسهل علاج ليهم غير الحموم لان التلاتة بيخافوا من المية جد ا

الدكتور هيخش و هيرد على حضرتك بإذن الله يا

ma06

بس هوا كان مشغول شويه الأيام اللي فاتت

على فكرة الشعر اللي بيقع اغلب حالاته بيبقى ضعف

شكلك مش بتأكليهم بروتين كويس ؟

لو بتأكليهم خضار كتير و رز مثلا و الحاجات دي حاولي تزودي البروتين لأن بيتهألي ده ضعف عام

و الدكتور محمد هيخش و هيفيديك اكتر بإذن الله قريب

دكتور هوا فيه حل اني احمي القطة من غير مجهود

انا غلبت معاها مش عارفة اعمل ايه

هل في حاجة تنيمها او تخليها مستسلمة للحموم ؟؟؟؟؟

السلام عليكم
هل القطة ممكن يجيلها سعار لوحدها من غير ما تتعرض للعض من حيوان مريض
يعنى لو امها قطة من الشارع ممكن تكون حاملة للمرض ويجيلها فى اى وقت
لان فى قطة من اللى عندى لاحظت النهاردة انها شوية تعد تحت الكرسى او جمب الدولاب
وبتحاول تدخل تحت المخدة او تعد فى شنطة بلاستيك وعمالة تنونو بطريقة غرية وبتتنفس بسرعة
وبتشمشم فى القطة البنت التانية وبتلحسها فى جسمها هى تصرفاتها غريبة وتخوف
يا ريت تجاوبونى لانى قلقانة يكون عندها سعار وارجو الرد يسرعة

على فكرة القطة مش واخدة اى تطعيمات وكمان هما التلاتة بيتخانقواجامد جدا مع بعض

اطمئني اختي الكريمة

لو هيا جاية من الشارع لازم تتطعم للوقاية

او عشان لو خالطت قطط من برا

و إليك اختي الكريمة اعراض المرض و كيفية اكتشافه مبكراً لدى قطك :

تبدأ الحالة عادة بأن تختبئ القطة تحت قطعالأثاث أو في ركن مظلم ، وتفقد شهيتها للأكل وتهاجم كل ما يقترب منها فتخدش يده أووجهه ثم يصيبها الهزال والهبوط ثم الشلل لتموت بعد أيام قليلة

تميز بارتفاع درجة الحرارة مع هدوء ووداعة القط المصاب , ثم تزداد حيويته ونشاطه مع اتساع حدقتي العينين ويزداد معدل التبول

بعد ذلك يبدأ القط في الاختفاء في ركن مظلم أو تحت الأثاث بعيداً عن الضوضاء ولا يستجيب لنداء صاحبه ويمتنع عن الأكل والشرب وإذا حاول ذلك يتساقط الماء من فمه ولا يستطيع البلع وسرعان ما تزداد حساسيته وتأثره بالمؤثرات الخارجية فينفعل بشدة لأي صوت ويصبح عصبيا ويطحن فكيه باستمرار وينبح دون سبب ثم تظهر عليه أعراض الجنون فيقفز فجأة .. مهاجما أشياء لا وجود لها ويعوي بصوت مبحوح دون سبب، ويأكل أشياء غريبة كالأحجار والطوب والقش والطين فتتكسر أسنانه ويجرح فمه وينزف الدم منه مع اللعاب المتساقط بغزارة. وفي نهاية هذه المرحلة يزداد جحوظ العين ونظرا لشدة عطشه مع عدم القدرة على البلع يجن لمجرد رؤية الماء ويبدو كالخائف من الماء وقد يظن صاحبه أن هناك شيئا ما محشور في حلقه ( قطعة شوك مثلا) ، فيحاول إخراجها بيده معرضا نفسه لخطر الإصابة ويتجمع اللعاب بكثرة لعدم إمكانية البلع ويتدلى لسانه

إذا لم ينفق القط في المرحلة السابقة ، تظهر عليه أعراض عدم الاتزان أو التناسق في حركةثم تظهر حالة الشلل التام التي تبدأ في الفك السفلي ثم الذيل ومؤخرة الحيوان لينتشر لكامل الجسم وينفق خلال ثلاثة أيام . وتبلغ مراحل المرض جميعاً 6-8 أيام

انا فعلا جايباهم من الشارع بس كان عندهم اسابيع كان الاولاد بيعذبوهم وموتوا واحدة
يعنى مختلطوش بقطط تانية ومن ساعتها وهما فى البيت كدة ممكن يجيلهم سعار بردة؟؟
ولو كان فعلا ممكن يجيلها اعمل اية لان اكيد كلهم هيتعدوا وانا يصعب عليا انى انزلها الشارع
انا متاسفة انى بسال كتير بس انا صعب جدا انى اوديهم لدكتور يكشف عليهم انا حاولت اوديهم وحصلت ماساة يومها
لدرجة ان الدكتور قالى متجيبهومليش تانى وانا يومها اتعورت واتخربشت جامد جدا منهم

لا ان شاء الله ميجيش ليهم سعار و لكن الإحتياط واجب

و لازم تطعيمهم برده

و بالنسبة ليهم و لسؤالك عنهم و عن السعار

دي نمرة الدكتور أحمد دكتور جمعية قطط الماو المعتمد بالمقطم

ده تليفونه الشخصي

0115666799

كلميه في أي وقت و استفسري منه على اللي انتي عايزاه و على التطعيم كمان


و لو حبيتي تكلمي الجمعية نفسها و هوا برده هيبقى موجود بإذن الله و دي نمرة تليفون الجمعية :

25076946

و اي استفسار احنا كلنا تحت أمرك

السلام عليكم دكتور
مشكورة جهودكم جميعا فى حماية الحيوان جعله الله فى ميزان حسناتكم
و بعداذنك كنت اتسائل عن صحة تنظيف القطط ببودرة التلك و هى ممكن تسبب لهم اضرار او حصوات ؟
شكر ا

السلام عليكم

عندى قط شيراز عمره سنه فجاه من حوالى شهر او اكتر لقيت شعره بيوقع ومش عارفه السبب

رغم انه مش بياكل سمك الا قليل جداااا

واكله عباره عن شوربه خضار بكبده الفراغ او راس الفرخه مسلوقه

جبنه نستو

ياريت الدكتور يفيدنى فى العلاج والاكل

السلام عليكم ورحمة الله وبركاته
لوسمحت يادكتور انا قطتى شيرازى وعندها 3شهور من يومين شعرها بداء يقع بطريقه كبيره وبكثره جداً
وبسمع ليها صوت عامل زى صوت تزيق فى صدرها والصوت عالى جداً من فضل قولى اعمل ايه


وشكراً