وانشاء الله الدكتور محمد الصواف Scorpovet المشرف العام للقسم الطبي او اي دكتور موجود هيرد عليكم
بس ياريت الكل يلتزم ويحط الاسله هنا مش بره الموضوع علشان الكل يستفيد منه
محمود85 كتب:طب يا دكتور انا القطة اللي لقتها حامل
انا كنت عايز الأول احميها بشامبو
ينفع احط معاه فنيك او كلور متخفف بميا و اشطف جسمها بيه عشان البراغيت ؟؟
و بالنسبة ليها هيا بتعطس بس مش كتير هيا مرة و لا حاجة
هل ده مؤشر لحاجة
انا اسمع ان التطعيم و هيا حامل غلط و كده كده انا مش هقدر اطعمها دلوقتي بعد مدة كده
لكن سؤالي دلوقتي عن النظافة و عن التكسوبلامازما
اديها ايه عشان لو كان عندها تكسوبلازما يروح منها ؟؟؟
و ينفع استعمل الفنيك و الكلور ولا لا
و متشكر اوي اوي يا دكتور على مجهودك معايا
محمود85 كتب:الحقني يا دكتوووووووووووور
الحقوني يا جماااااااااااعة
انا القطة بتاعتي و هيا بتاكل النهارده
رجعت جامد اوي
تقريبا جابت كل اللي بطنها
انا كنت حاططلها سمك مسلوق صغير
و كلت تلات سمكات كلهم
و بعد ربع ساعة
لقيتها بتطلع صوت غريب
زي الموااااااااء بس متواصل
و عمال تطلع لسانها زي الكلب
و قعدت تعمل الصوت ده لغاية لما لقتها بترجع
جااااااااابت كل اللي بطنها
مش عارف فيه ايه
انا خايف اوي
منظرها غريب و هيا بترجع
اعمل ايه يا دكتور
الحقني
ma06 كتب:القطط اللى عندى شعرها بيقع مش عارفة من اية
يعنى كل ما بيعدوا فى مكان بيتملى شعر كتير
ومكان نومهم مليان بطريقة فظيعة مش بعرف حتى انضفة لانة بيطير فيا
ولما بشدة من جسمهم بيطلع شعر كتير فى ايدى بسهولة
هما كدة من حوالى شهر وقبل كدة كانوا كويسين
هما جسمهم سليم ومفيش فية مناطق خالية من الشعر
وبردة مش بيهرشوا فى جسمهم او يلحسوة زيادة عن اللزوم
ومعتقدش ان فيهم براغيت انا مش عارفة البراغيت دى ممكن اشوفها ولا لا؟
يا ريت اعرف شعرهم بيقع لية واية اسهل علاج ليهم غير الحموم لان التلاتة بيخافوا من المية جد ا