منتدى قط مصر لمحبي قطط الماو المصرية

إعلان 

advertisement


    قططى بتتخانق

    شاطر

    hms78

    الجنس : انثى عدد المساهمات : 2
    تاريخ التسجيل : 15/01/2013

    قططى بتتخانق

    مُساهمة من طرف hms78 في الثلاثاء يناير 15, 2013 7:59 pm

    السلام عليكم انا جديدة هنا ارجوا تحمل اطاله الموضوع لانى قمت بعرضه فى كذا منتدى وابحث عن حل

    السلام عليكم
    استشارة سلوكيه هامه ارجوكم
    ميشو 11 سنه دكر سيامى كيتى 4 سنين انثى شيرازى .......... ميشو هوا الى ربى كيتى من ايام ماكانت عندها شهر ... واتجوزوا وفى علاقه طبيعيه جداا بينهم
    الى حصل ان والدتى للاسف غصب عنها طبعا بتخبط فى ميشو باستمرار وممكن تدوس على ديلوا طبعا بتلحق نفسها والخبطه مش بتكون قويه لكن عارفين القطط بتصرخ بصوت كدة لما حد يخبطها او يدوس على ديلها بالاخص
    الاول زمان لما كان دة يحصل كيتى كانت بتجرى على ميشو خايفه عليه وتفضل تلحس راسوا زى ماتكون بتطبطب عليه

    الى حصل ان مرتين دلوقتى خلال الشهر دة تكرر ان والدتى للاسف حصل نفس الشىء الجديد ان كيتى بتيجى جرى على ميشو لكن بعنف وتبخ فيه وتضرب وتنقض عليه بشكل عنيف جداا غير مبرر عندى ويتخانقوا خناق الشوارع بالظبط اول مرة حصلت فصلت بينهم بسرعه وحطيت كل واحد فى غرفه وبعد ساعه كانوا هديوا وحبوا بعض تانى
    النهاردة اتكرر دة لكن الخناقه كانت اشد واكبر وكيتى اعتف ومترقبه ميشو بعد مامرت ساعتين فتحت عليها بقت طالعه لكن مترقبه وعماله تزوم عليه وهوا مسكين قاعد مسالم جداا وبياكل ويشرب عادى وهى رافضه اكل ومترقبه ومستنيه اى فرصه تهجم عليه وراحت هجمت فعلا عليه فصلت بينهم بالعافيه وجبت دم من وشى واديا
    دلوقتى فصلت بينهم ومسحت عليهم بفوطه بميه بسيطه ونقطه خل ........... ميشو هدى بسرعه وراح نام فى غرفه بعيد عنها لكن للاسف كيتى هى الى عماله تلف الشقه بتزوم وبتدور عليه فاطبعا قفلت عليها باب تانى وسبتها لوحدها ..........

    ملحوظه هى طيبه جداا وحنونه جداا وانا حبساها بتدلع عليا وتنام على حجرى عادى خالص لكن مجرد ماافتح الباب واسبها تطلع تبدا تزوم وتدور على ميشو بصوت الزووم

    اسفه للاطاله لكن ارجوكم اهتموا تشرحولى ايه السبب واتصرف ازاى لان والدتى بدات تخاف من كيتى وانا خايفه عليهم لانهم عورا بعض مش جامد لكن انا خايفه عليهم وشكرا ليكم

    انا ودتها اخدت حقنه منع الحمل 6 شهور والدكتورة ادتنى اقراص calm-eze وريال كانن calm وطلبت منى احميهم بنفس الشامبو ونفس الفرشه وعملت كدة واهو لسه حتى وهما مبلولين عمالين يبخوا على بعض وعاوزين يهبشوا بعض

    الى حصل دلوقتى ان القطه الانثى نايمه عندى والدكر نايم فى غرفه تانيه وواخدين المهدىء وكلوا تمام الدكر حاول يدخل القوضه ينام وياكل جنبى قامت هى اتشرست عليه وطلعت تجرى وراه واصوات فظيعه وطبعا والدى ووالدتى اتفجوا جامد والحمد لله انهم ماتعوروش لان القطط فضلت تتخانق فى سريرهم لكن الخضه .. والمهدىء مش عامل حاجه مع الانثى انا ماعدتش فاهمه حاجه ولا عارفه اتصرف

    اسفه طبعا للاطاله لكن انا جمعت كل الكلام والمشكله بدات يوم السبت المغرب ومازال الموقف قائم لحد الان
    فى ملحوظه ان القطه الانثى فى هدوء نسبى بعد مابتاخد الاقراص والدكر كمان اصلا مسالم
    وكل واحد دلوقتى نايم فى مكان فى الشقه وفى هدوء وعادى زى ماكانوا متعودين كل واحد نايم فى مكانوا المفضل كما انى لاحظت انى لما بحبس حد منهم واقفل عليه الباب بيزود العداء مش عارفه ليه او بيزود العند عندهم لانهم اصلا مش بيحبوا يتحبسوا
    الى بيحصل ان البخ بيشتغل لما يواجهوا بعض وجها لوجه لكن طول ماكل واحد فى حته مش فى وش بعض عادى جداا مسالمين وعاااااااااااااااااادى جداا زى الاول لكن اول مايشوفوا بعض او يقربوا من بعض كانهم اعداء وكانهم غرب عن بعض انا بقيت برش كل واحد بالميه بالرشاش فى وشوا لما يبدا يبخ
    ارجوكم حد يفدنى مش عارفه الوضع حيستمر لحد امتى وهل حيرجعوا لبعض عادى ولا ايه واسفه تانى لكن ارجوكم
    وربنا يكرم والاقى عندكم الحل

    انا حاليا حاولت اجوعهم اكتر من 12 ساعه واخليهم يقربوا من خلال الاكل الى حصل ان القط الدكر مسالم جدا وجه ياكل فاهى رغم جوعها بخت عليه فاهوا خاف وساب الاكل
    اكلتها وبعدين حاولت اخليه يدخل الغرفه تانى علشان ياكل وفضلت اقربوا حبه حبه وانا واقفه بينهم ومعايا رشاش الميه هى فضلت ساكته تتفرج عليه لحد ماقرب خالص راحت قايمه وزامت وبخت فانا رشتها بالميه هديت شويه
    انا سيباهم مش حبساهم وكل واحد واخد مكان والدكر طبيعى خالص بيتمشى ويتحرك ماعندوش مشكله معاها

    طيب كان ليا سؤال فى احد الدكاترة قال ان حقنه منع الحمل بتزود الشراسه للانثى وتخليها منعزله ومنطويه ومكتئبه فهل دة صح ...
    كمان القط الدكر كل شويه يحاول يدخل للانثى وانا اجرى امنعوا لانها لسه بتبخ فيه
    ولما اكون شيلاها فى ايدى هوا بيفضل يشم فيها ويدلع على الارض ويلعب
    لكن هى تبصلوا وتبدا تزوم حتى وهى على ايدى فبزعق فيها .. يعنى فى امل ولا ايه بجد لانى مش عارفه اشوف حياتى كويس قاعدلهم طول الوقت


    hms78

    الجنس : انثى عدد المساهمات : 2
    تاريخ التسجيل : 15/01/2013

    رد: قططى بتتخانق

    مُساهمة من طرف hms78 في الثلاثاء يناير 15, 2013 8:04 pm

    اعتذر لكنى جمعت كل كلامى وملاحظاتى من الجروبات واخر ملاحظه ان القط الدكر السيامى بيحاول كل شويه يقف على عتبه الغرفه الى فيها الانثى ويفضل يبص عليها وهى نايمه ويعمل صوت غريب مش بخ لكن غريب كانه بيتكلم
    وهى تقوم من النوم تبصلوا ويحاول يقرب ويدخل تقومهى تقف وتبخ وتزوم يقوم يطلع يجرى فانا بصراحه عاوزة افهم فى امل ولا ايه ومسئله الاكل دى وانى اجوعهم واجمعهم فى مكان للاكل صعبه بصراحه لان السيامى عنيد وعاوز ياكل فى مكانوا

    xkhaledxmm

    الجنس : ذكر عدد المساهمات : 10
    تاريخ التسجيل : 17/08/2013
    العمر : 20
    الموقع : القاهرة\الحلمية

    رد: قططى بتتخانق

    مُساهمة من طرف xkhaledxmm في السبت أغسطس 17, 2013 2:22 am

    انا مش خبير فى القطط بس اتمنى حد يرد عليكىVery Happy 

      الوقت/التاريخ الآن هو الأحد أغسطس 19, 2018 7:47 am