منتدى قط مصر لمحبي قطط الماو المصرية

إعلان 

advertisement


    استفسار

    شاطر

    ma06

    الجنس : انثى عدد المساهمات : 25
    تاريخ التسجيل : 23/04/2009

    استفسار

    مُساهمة من طرف ma06 في السبت أغسطس 15, 2009 2:14 am

    السلام عليكم ورحمة الله وبركاتة
    عندى سؤال بخصوص قطة موجودة فى العمارة من اسبوعين او اكثر وانا بحطلها تاكل يوميا وهى ودودة معايا جدا
    واظن انها ماو بس هجين لان فى اجزاء فى رقبتها وايديها لونها ابيض كنت عايزة اعرف الجمعية ممكن تاخدها؟
    لانها بتتعرض لاذى جامد من طفل فى العمارة هو واصدقائة والتفنن فى تعذيبها بطرق عديدة من اخافتها او تهويشها بالركل والجرى
    وراها بمواسير الكهربا او اجبارها على الاختباء فى مكان ضيق جدا للحماية منهم او انهم يجبروها للنزول للشارع والجرى وراها تحت
    وانا كذا مرة اكلمهم لكن مفيش فايدة اكنهم مش سامعين يا ريت اعرف ممكن تروح الجمعية فعلا او اى طريقة لمساعدتها ولو مفيش حل
    هل لو انا سربتها من العمارة لانقاذها من ايديهم يبقى حرام عليا وهاخد ذنبها لانها اتعودت انى ااكلها وبتنام معظم الوقت ادام باب الشقة
    لان مفيش حد مهتم بيها غيرنا فى العمارة كلها
    avatar
    Admin
    مدير الموقع
    مدير الموقع

    الجنس : ذكر عدد المساهمات : 67
    تاريخ التسجيل : 15/04/2009
    الموقع : http://www.egyptcat.co.nr

    رد: استفسار

    مُساهمة من طرف Admin في الأربعاء أغسطس 19, 2009 9:44 am

    اولا بنشكر حضرتك جدا جدا على قلبك الحنون معاها و تقديملك للأكل ليها

    وبإذن الله يكون في ميزان حسناتك

    بالنسبة للجمعية

    لو عايزة تعرفي هما ممكن ياخدوها و لا لا

    يا ريت تتصلي بيهم

    25076946

    دي نمرة تليفونهم كلميهم و استفسري عن اي شيء تحتاجيه عنهم مش بس عشان توديها


    و بالنسبة للتسريب انا رأي انك تنصحيهم احسن و تتكلمي معاهم انهم ميجوش جنبها و ملهمش دعوة بيهم

    و ان دي روح زيها زيهم بظبط

    او كلمي اهلهم ينصحوهم و يعرفوهم الصح فين

    عشان عايزين نحاول نربي اطفالنا على إحترام الحيوان و حياته

    و ان دي روح لو أذيتها هتتحاسب عند ربنا


    متواصلين معاكي بإذن الله و يا ريت تقوليلنا ايه الجديد دايما


    _________________
    w w w . EGYPT CAT . c o . n r

    ma06

    الجنس : انثى عدد المساهمات : 25
    تاريخ التسجيل : 23/04/2009

    رد: استفسار

    مُساهمة من طرف ma06 في الثلاثاء أكتوبر 06, 2009 7:59 pm

    يا ريت لو حضرتك تساعدنى انى اعرف عناوين وارقام جمعيات الرفق لانى معرفتش اوصلها انا كل اللى اعرفهم امرو وجمعية مدام امينة اباظة (الحمعية المصرية لحماية حقوق الحيوان)وكمان رحت زرتها قبل كدة
    وانا فعلا كلمت الجمعية بخصوص القطة بعد ما لقيت الاولاد بيولعوا الصواريخ ويحدفوها عليها و لقيتها متعورة فى مناطق كتيرة فى جسمها وغرقانة دم وقالولى ابعتى اميل بالانجليزى وصور للقطة ومجلس الادارة هيجتمع ويقرر القطة تدخل ولا لا وهى للاسف اختفت بعد كدة والله اعلم جرالها اية
    وكمان كلمت جمعية مدام امينة عشان قطة عمياء ووشها متشوة وللاسف قالولى دورى فى النت لان جبنا قطط كتير مع ان قبل كدة كانوا بيقولوا مفيش مكان عندهم
    انا كل اللى بقدر علية انى باكل القطط والكلاب اللى فى الشارع او ابعد عنهم الاذى على اد ما اقدر لان فعلا كل الناس اللى بشوفها معندهاش اى رحمة ولا بيفتكروا ان ربنا سبحانة وتعالى ورسولة الكريم وصونا برحمة الحيوانات

    ياسمين

    الجنس : انثى عدد المساهمات : 2
    تاريخ التسجيل : 26/04/2012

    رد: استفسار

    مُساهمة من طرف ياسمين في الخميس أبريل 26, 2012 3:36 pm

    السلام عليكم لو سمحت انا عاوزة اعرف انا عندى قط ذكر شيرازى عمره سنه و3 شهور اجوز مرة والقطة حامل وعاوز يجوز تانى من القطة التانية بس هيا صغيرة وبقى بنونو ويضايق اوى اعمل ايه معاه

    ياسمين

    الجنس : انثى عدد المساهمات : 2
    تاريخ التسجيل : 26/04/2012

    رد: استفسار

    مُساهمة من طرف ياسمين في الخميس أبريل 26, 2012 3:40 pm

    وفالبيت عندى اضايقو منه اعمل ايه معاه ياريت تفيدونى شكرا

      الوقت/التاريخ الآن هو الإثنين يونيو 25, 2018 7:10 pm